1953

figura da bigl

Valendau, 1760

Amez il vitg da Valendau stat in dals pli gronds bigls da lain da l'Europa. El mesira 4,8 giadas 12 meters. Sin sia pitga sesa ina nimfa cun in chapè florentin. Ella è ina copia – il 1953 han ins dischlocà l'original per motivs conservatorics en la collecziun dal museum. La nimfa aveva patì adina pli fitg da las influenzas da l'aura.

Davart la figura e ses origin datti da tuttas sorts mitus. Tenor las actas d'entrada dal museum è ella in regal dal colonel Johann Peter Marchion (1695‒1766). L'artisan indigen Hans Bonadurer (1717‒1788) duai avair entaglià ella. I n'è oz però betg pli pussaivel da verifitgar questas indicaziuns.