1960

tarpun da paraid

Lumbrein, 1. mesadad dal 18avel tschientaner

Il «tarpun da pezs» da la Lumnezia consista da taila da glin, sin la quala ins ha mess taila da launa e tocs da lavurs da chaltschiel da tuttas colurs. I pudess sa tractar da rests da vestgadira purtada.

Las duas figuras en la retscha giusut èn probablamain Adam ed Eva, en la segunda retscha trais Marias cun la Nossadunna en lur mez. Sur ella ves'ins il monogram da Cristus «IHS» ed en la retscha sisum trona l'evla imperiala.

Las figuras ed ils simbols da tempra religiusas laschan supponer ch'il tarpun da paraid vegniva utilisà a chaschun da festas ecclesiasticas. Pussaivel è in connex cun la processiun da perdunanza che ha lieu a Lumbrein mintg'onn l'october.