lieu d'emissiun intschert, 1759
emprest da l'Archiv dal stadi dal chantun Grischun (StAGR A I/02b nr. 265)

Caspar Selig è stà in dals blers millis Grischuns ch'èn ids sco mercenaris a far guerra per patruns esters. Quest document fatg cun inschign ha confermà che ses temp da servetsch en ils Pajais Bass era terminà e ch'el aveva ademplì ses duair en il regiment da Heinrich Sprecher von Bernegg. L'attest ha pussibilità ad el da viagiar a chasa tras l'Europa senza svegliar il suspect dad esser in desertur. La deserziun vegniva numnadamain punida severamain, mintgatant perfin cun l'execuziun.

Durant blers decennis han tant il Museum retic sco era l'Archiv dal stadi dal chantun Grischun rimnà archivalias. Il 2005 è questa lavur dubla vegnida terminada: il museum ha surdà ses effectiv, tranter auter quest document, a l'archiv.