Engiadina, 20avel tschientaner

Il capricorn n'è betg mo l'animal da vopna dal chantun Grischun. Er en il turissem è el in emblem omnipreschent. L'animal vegniva però chatschà intensivamain, surtut per far differents remedis or da las parts da ses corp. En consequenza è il capricorn stà extirpà enturn la mesadad dal 19avel tschientaner en l'entir territori da las Alps.

Sulettamain il retg da l'Italia possedeva da sias uras anc capricorns en ses territori da chatscha en il Piemunt. La Svizra ha supplitgà il retg per in pèr exemplars per la recolonisaziun, ma lez ha refusà la dumonda. Il 1906 n'han ins betg fatg lungas e tramess fraudaders per engular varsaquants ansiels. Cun quels han ins cumenzà l'allevaziun e lur descendents èn vegnids reintroducids plaun a plaun en las Alps Svizras e pia er en il Grischun.