Malix, cumenzament dal 14avel tschientaner
deposit da la plaiv evangelica refurmada da Malix

Fin la Refurmaziun ha noss object servì a la celebraziun da l'eucaristia durant la messa catolica. Il 1526 ha Malix surpiglià la cretta nova ed il chalesch ha survegnì in'autra funcziun en il servetsch divin refurmà. Cun quai è el stà en il focus dad ina da las grondas dumondas da cardientscha da lez temp: Èn il corp ed il sang da Cristus preschents realmain en il paun ed il vin da la Sontga Tschaina, sco quai che la ductrina catolica e luterana pretenda? U èn els preschents simbolicamain, sco quai che la confessiun refurmada zwingliana fa valair?

Damai ch'il chalesch d'argient era en in nausch stadi, al ha la plaiv evangelica surdà al Museum retic, nua ch'el è vegnì restaurà.