1979

ura cun rodas da lain da Tavau

Tavau, Sertig, 1717

Cura che las uras da chasa èn vegnidas en moda en il 17avel tschientaner, ha la famiglia Ambühl en il Sertig sper Tavau cumenzà a fabritgar uras cun rodas da lain tenor il model da las uras da fier. Era la populaziun rurala pudeva ussa sa prestar talas uras. Noss exemplar pendeva ina giada sin la Stafelalp. El ha ina lantschetta d'uras entagliada cun trais pizs sisum ed ina farcla da la glina giudim. Suten è la lantschetta dals quarts d'ura cun in agen plat.

Tenor il medem princip han ins construì en il Sertig fin il 1840 radund 900 uras cun rodas da lain. L'import da las uras dal Guaud Nair, fabritgadas industrialmain, pli exactas e pli bunmartgadas, ha muntà la fin da las uras da Tavau.