1984

chat da munaida cun denars romans

Fläsch, 32/31 a.–181/182 s.C.

Quest chat cun 24 denars d'argient romans han ins scuvert sin l'uschenumnada «Via romana». Questa via sin il Pass da Son Gliezi era da lez temp ina colliaziun impurtanta per il commerzi tranter nord e sid.

Las munaidas pudessan esser stadas part d'ina pitschna bursa. Dal temp da l'imperatur Commodus (180‒192) è ella forsa ida a perder u ch'ella è vegnida sutterrada aposta. La capacitad da cumpra da las munaidas correspundeva bunamain al sold mensil d'in legiunari.

En la collecziun dal museum sa chattan passa 20 da tals chats da munaida or dal Grischun. Mo dus ulteriurs da quels derivan era da l'epoca romana.