Cuira, 2. mesadad dal 19avel tschientaner

Sch'il famus Giacomo Casanova (1725‒1798) scuvriva sut las rassas da las dunnas chautschas sut, era el indignà. Purtar chautschas sut valeva per dunnas numnadamain sco insatge maidudì. En general eran las chautschas sut ditg nunusitadas. Ch'ellas èn sa derasadas plaun a plaun, ha da far l'emprim cun il militar: als schuldads vegnivi recumandà da trair en vestgadira suten per motivs igienics.

En il 19avel tschientaner han omaduas schlattainas plaunsieu cumenzà a purtar il vestgì nov. Las chautschas sut da las dunnas tanschevan fin la schanuglia ed eran savens avertas tranter las chommas. Ina chaussa tut normala èn las chautschas sut daventadas pir en il 20avel tschientaner. La collecziun dal Museum retic cumpiglia 36 differents models.