Sent, enturn il 1950

Dapi il 15avel tschientaner viagian umans en las muntognas grischunas per tractar lur mendas cun aua curativa. En la Val Sinestra dasper Sent nascha la Ulrich-Quelle ch'ins nizzegiava pli baud per curas da bogns e curas da baiver aua. «L'aua forta» che cuntegna arsen valeva sco remiedi cunter malsognas da la gnerva, anemia, malsognas da la pel e reumatissem.

L'onn 1904 han ins cumenzà ad emplenir en buttiglias l'aua curativa per vender ella ed il 1912 ha avert la Val Sinestra, ina chasa da cura en il jugendstil. Suenter ch'ina bova aveva destruì la bavetta, han ins dentant smess cun il manaschi da cura. Dapi lura curra l'aua da funtauna oranscha en l'aual senza vegnir tratga a niz.