Domat, enturn il 1900

Fin en il temp tardmedieval guntgivan ils umans ils pizs da muntognas. Cun il senn per las scienzas natiralas che l'illuminissem aveva sveglià, è dentant era creschì l'interess da perscrutar las autezzas. Il turissem ch'è vegnì en moda il 19avel tschientaner ha la finala laschà nascher l'alpinissem en il senn modern e sportiv.

La gronda part da las alpinistas e dals alpinists era da viadi cun chalzers da guttas e duvrava in zappunet per chavar stgalims en il glatsch. Charpellas, sco quai che chatschadurs e praders da blais duvravan gia pli baud, èn sa fatgas valair mo plaunet. Oz èn charpellas cun dents frontals in element fix da l'equipament per far turas en auta muntogna.