Dübendorf, 1919–ca. 1930

Quest sez or da lain cruschà è probablamain vegnì fabritgà en ils lavuratoris da l'eroport da Dübendorf. I sa tracta d'in toc da reserva per ina «Hélène». Quest aviun franzos aveva l'Armada svizra acquistà suenter la fundaziun da la truppa aviatica svizra l'avust 1914. Fin suenter la finiziun da la guerra utilisav'ins questa maschina surtut per scolar ils pilots en il cumbat aviatic. Ils onns 1930 è ella vegnida liquidada.

Gia il 1915 aveva l'Armada svizra considerà dad installar plazzas aviaticas en il Grischun dal Nord ed en l'Engiadin'Ota. Igl ha però durà enfin l'onn 1937 fin ch'ins ha construì a Samedan il sulet eroport grischun tant per intents militars sco per intents civils.