Lantsch, 1. mesadad dal 20avel tschientaner

La baselgia da S. Maria a Lantsch ha in dals pli bels santeris en il Grischun. Caracteristicas èn sias cruschs da fier en il stil da la gotica, da la renaschientscha e dal baroc. Bleras dad ellas orneschan gia daditg las fossas da las famiglias indigenas e vegnan reutilisadas cuntinuadamain. Igl è bain pussaivel ch'era questa crusch cun il disc solar entamez è anc pli veglia che documentà.

Dapi il 1966 prescriva il reglament da santeri da Lantsch ch'ins dastgi metter si mo cruschs da fier battidas a maun. Uschia sa preschenta il santeri oz en in maletg unitar ed unic. 62 cruschs da quest gener han dal rest chattà la via en la collecziun dal museum.