Berna, 1870

Il 1512 è la Vuclina daventada part da las terras subditas da las Trais Lias. La viticultura locala era ina funtauna d'entradas tschertgada per ils suverans. Vin vuclina valeva sco spezialmain delizius. Blers Grischuns cumpravan vignas en la val meridiunala. Var dus terzs dal vin producì vegniva exportà en il Grischun, en il Tirol u en la Germania dal Sid.

Era suenter che la relaziun da subordinaziun era vegnida dissolvida il 1797, ha la viticultura mantegnì sia gronda impurtanza economica per la Vuclina. Il Grischun era il pli grond cumprader da vin da questa val. Il negozi da vin «Schmid & Conzetti» cun filialas a Cuira e Poschiavo valeva sco spezialist per l'import da vin vuclina durant il 19avel tschientaner.