2002

maletg-vaidrina en memoria al profess dal teolog grischun Bonifaz Räss (1848‒1928)

Savognin, 1892

En il 19avel tschientaner eran tals maletgs-vaidrina ina decoraziun da paraid populara che regurdava ad eveniments spezials da la vita ubain a persunas particularas. Questas ovras artisticas cuntegnevan represchentaziuns simbolicas, flurs artifizialas e proverbis. Ils maletgs filigrans vegnivan savens creads en claustras.

Quest maletg-vaidrina regorda al profess dal teolog Bonifaz Räss, naschì a Cuira, che era da quel temp spiritual ad Appenzell. La chascha cuverta dadens cun saida cuntegna ina represchentaziun da Cristus, in altar cun chalesch ed ornaments en furma da feglia e fritgs. Las materialias utilisadas èn chartun decorà, palpiri, folia dad aur e cullinas doradas.