Culturas da sepultura en las Alps
A Cresta Petschna sper Lumbrein han archeologs chattà l'onn 1947 in champ cun indesch fossas che dateschan circa dal 15. tschientaner a.C. (surfatscha marcada a dretga). Il santeri era situà datiers da Crestaulta, in abitadi dal temp da bronz (davosvart a sanestra).Fotografia: Servetsch archeologic dal Grischun
+
Las fossas a Cresta Petschna èn circumdadas da crappa.Fotografia: Servetsch archeologic dal Grischun
+
Ils defuncts vegnivan ars cun vestgadira e cun cliniez. Lura vegnivan sepulidas las restanzas en las fossas. Ils archeologs han chattà restanzas d'ossa cremada ed agiuntas da cliniez ars.Fotografia: Servetsch archeologic dal Grischun
+
Sguard en ina fossa dal temp da bronz cun ossa ed agiuntas cremadas, Lumbrein, Cresta Petschna.Fotografia: Servetsch archeologic dal Grischun
+
En las fossas da Lumbrein èn vegnids scuverts differents objects da cliniez da bronz. Ils chats mussan ch'i eran sepulidas là mo dunnas.Fotografia: Servetsch archeologic dal Grischun
+
A Domat è vegnida chattada ina fossa d'ina dunna dal 13./12. tschientaner a.C. Cuntrari a Lumbrein n'è la dunna betg vegnida cremada, mabain sepulida. Cun 1,60 meters era quai – per relaziuns preistoricas – ina dunna gronda.Fotografia: Servetsch archeologic dal Grischun
+
Cun la defuncta da Domat èn vegnids mess en fossa objects da cliniez sco quests ureglins, l'anè e la fivla artgada. Ils objects agiuntads a sia fossa èn caracteristics per il territori da l'Italia dal nord. Forsa era la dunna immigrada nà dal sid.Fotografia: Servetsch archeologic dal Grischun
+