Guerra – in mastergn privlus
In grenadier ed in fisilier dal regiment Salis-Samedan, 1786. En quest regiment han numerus Grischuns prestà servetsch. Entant ch'ils fatgs da mercenari eran ina fatschenta lucrativa per la classa superiura dal Grischun, sutpassavan las entradas d'in simpel schuldà il gudogn d'in manual a la fin dal 18. tschientaner.Maletg: Museum retic
+
In grenadier e dus fisiliers dal regiment Buol-Schauenstein en servetsch austriac, tranter 1734 e 1738. Er en il servetsch da l'imperatur austriac n'eri strusch pussaivel per in simpel schuldà da spargnar daners per il temp suenter ses return en patria.Maletg: Museum retic
+
Schuldads dal regiment Sprecher en servetsch austriac. Tranter 1743 e 1748 cumpigliava quest regiment 2300 umens. El ha cumbattì cun success cunter il retg da la Sicilia en la guerra da successiun austriaca en l'Italia centrala e settentriunala.Maletg: Museum retic
+
«Las orrurs da la guerra» dad Urs Graf, 1521. Il gravader d'arom e pictur sin vaider Urs Graf (enturn 1485 fin 1528) è sez stà mercenari. Sia preschentaziun dal champ da battaglia da Marignano 1515 dat in maletg autentic da las orrurs da la guerra da quella giada. Il privel da returnar mutilà, traumatisà u d'insumma betg returnar pli dal servetsch en armadas estras existiva per tut ils schuldads.Dissegn: Museum d'art da Basilea, Collecziun online, Inv. U.X.91
+