Regula Engel: Ina dunna accumpogna Napoleun
Purtret da Regula Engel. L'onn 1778 ha Regula maridà Florian Engel oriund da Langwies. El era uffizier en servetsch franzos. Auter che la gronda part da las dunnas dals uffiziers mercenaris ha Regula accumpagnà ses um durant passa 20 onns en il servetsch militar en Europa ed en Egipta. Ella ha parturì 21 uffants. Da quels pudeva ella prender cun sai mintgamai mo il pli giuven.Maletg: «L'amazona svizra», 1825. Biblioteca chantunala dal Grischun
+
Regula Engel en unifurma. En sias regurdientschas descriva ella, co ch'ella cumbatteva ensemen cun las truppas. Suenter l'abdicaziun da Napoleun l'onn 1814 èn ils Engels suandads Napoleun en l'exil sin l'insla Elba. En la battaglia da Waterloo ha Regula pers ses um e dus figls ed è sezza vegnida blessada.Maletg: «L'amazona svizra», 1825. Museum retic
+
Sco dunna pli attempada è Regula Engel turnada povra en Svizra. Mo tschintg da ses uffants han survivì. Per gudagnar daners per ses custs da viver ha ella publitgà l'onn 1825 las regurdanzas da sia vita (per tudestg).Maletg: «L'amazona svizra», 1825. Biblioteca chantunala dal Grischun
+
Extract da las regurdientschas da Regula Engel «L'amazona svizra» da l'onn 1825 (per tudestg).
+