Il mintgadi durant il temp da bronz
L'abitadi sin la collina Padnal sper Savognin è vegnì construì tranter 2000 e 1600 a.C. Là vivevan circa 50 fin 90 persunas. Il vitg è stà abità fin en il 9. tschientaner a.C. Grazia a las exchavaziuns archeologicas avain nus oz bleras infurmaziuns davart quest abitadi dal temp da bronz. Scuvri detagls davart la vita da quel temp a Savognin-Padnal en il model da Marius Rappo.Fotografia: Museum retic
+
A Savognin-Padnal avevi tant edifizis cun pals, probablamain cun paraids da pertgas entretschadas, sco er chamonas da travs. En quests edifizis, che mesiravan circa 20 x 6m, abitavan pliras unitads da famiglia ensemen cun lur animals.Fotografia: Museum retic
+
Ils umans sin il Padnal eran purs. Cun araders da lain, che vegnivan tratgs d’animals, cultivavan els il funs. Els plantavan ierdi (dumiec), furment dubel, spelta ed arveglia.Fotografia: Museum retic
+
Chats da restanzas da metal, da furmas da cular e da luenteras mussan ch'ils umans producivan ed elavuravan bronz sin il Padnal. Pervia da sias abilitads spezialisadas aveva il culader da bronz probablamain ina posiziun privilegiada entaifer il vitg.Fotografia: Museum retic
+
Ils fuclars averts eran adina in privel per incendis. Il sistem da cisternas da lain da laresch cuvert cun arschiglia serviva sco reservuar d'aua da stizzar fieu e per allontanar l'aua da l'abitadi.Fotografia: Museum retic
+
Commerziants ambulants provedivan il vitg cun rauba da lunsch enturn, per exempel cun sal u cun zin. Er chats d'ambra e restanzas da cheramica importada cumprovan ch'i vegniva fatg commerzi sur ils pass da las Alps durant il temp da bronz.Fotografia: Museum retic
+
Ils umans sin il Padnal avevan arments, nursas, chauras e portgs. La chatscha e la pestga n'eran betg pli impurtantas per il nutriment.Fotografia: Museum retic
+
La gronda part da la cheramica che vegniva duvrada per il mintgadi, vegniva producida en il vitg sez. Ils vaschs vegnivan furmads a maun, anc senza rudella da vaschler.Fotografia: Museum retic
+
Ils onns 1971 fin 1983 è l'abitadi dal temp da bronz Savognin-Padnal vegnì perscrutà dal Servetsch archeologic dal Grischun. L'archeolog Jürg Rageth ha manà pliras da questas exchavaziuns. Nus al chattain a l’ur da noss model, nua ch’il constructur Marius Rappo l’ha perpetnisà.Fotografia: Museum retic
+