14 Extra Ils gronds palazs en las muntognas Grandhotel, San Murezzan, enturn 1907. Las funtaunas d'aua minerala a San Murezzan attiravan gia dapi lung temp giasts che pernottavan en albierts relativamain modests per lur curas. Cun il svilup dal turissem durant il 19. tschientaner èn las pretensiuns dals giasts sa midadas ed uschia er la purschida. Quai è stà l’entschatta dals grandhotels.Fotografia: Museum retic + Hotel Kulm Engiadina, San Murezzan, 1894. Gronds palazs, sco il Hotel Kulm, avert l'onn 1856, han midà il maletg dals vitgs ch'eran marcads fin ussa dal puresser.Fotografia: Museum retic + «Dining Room» en il hotel Kulm Engiadina, enturn 1910. Il possessur dal hotel e pionier dal turissem Johannes Badrutt ha entusiasmà ses giasts a partir da l'onn 1879 cun l'emprima illuminaziun electrica da la Svizra.Fotografia Museum retic + Hotel La Margna, San Murezzan, 1909. L'architect engiadinais Nicolaus Hartmann n’aveva nagin plaschair da l'architectura insensibla dals gronds palazs ch'eran vegnids construids senza resguardar las caracteristicas regiunalas. Cun ses hotel «La Margna» (1906) en stil indigen ha el vulì cumprovar ch'i va er auter.Fotografia Museum retic + Hotel Kronenhof, Puntraschigna, 1899. L'aquarel da Johannes Weber preschenta il hotel Kronenhof sco palaz entamez in mund alpin intact da l’Engiadin’Ota. En realitad era el situà amez las chasas da Puntraschigna.Fotografia: Museum retic + Hotel Waldhaus Vulpera, Tarasp, enturn 1890‒1900. L'hotel, construì da l'architect Nicolaus Hartmann senior, ha avert sias portas l'onn 1897 e valeva da quel temp sco culminaziun dal luxus. L'onn 1989 è l'entir stabiliment daventà l'unfrenda d'in incendi criminal.Fotografia: Museum retic + Novs medicaments da terapia cunter la tuberculosa, mez dal 20. tschientaner, han chaschunà la fin dal turissem da cura a Tavau. Anteriuras chasas da cura, sco la Schatzalp, èn vegnidas transfurmadas en hotels da sport.Fotografia: Museum retic + Waldhaus Flem, 1907. En ina zona privilegiada, datiers dal Lai da Cauma, ha la chasa da cura avert sias portas l'onn 1877 e retschavì giasts da l’entir mund. Pass per pass è ella vegnida engrondida cun edifizis supplementars. Ina da sias attracziuns spezialas era il curtin da muntanellas che vegniva frequentà savens.Fotografia: Museum retic + Hotel Steinbock, Cuira, 1908. Er la citad da Cuira ha survegnì ses grandhotel, directamain sper la staziun. Construì dal temp ch'ils capricorns eran gia morts ora en Svizra, fascheva il hotel impressiun cun tegnair in tal animal rar en sia curt interna. Il hotel è vegnì spazzà l'onn 1962.Fotografia: Museum retic +