04 Extra La campagna militara sur las Alps L'onn 15 a.C. han ils Romans conquistà il territori alpin sut il commando da Drusus e Tiberius. Las infurmaziuns las pli precisas davart las preparaziuns e l'andament da la campagna militara èn vegnidas transmessas da l'istoriograf roman Lucius Cassius Dio (enturn 163 fin suenter 229).Gravura d'arom: 1805 + Il denar d'argient (15/13 a.C.) mussa – da la vart davant – l'imperatur roman Augustus. La vart davos preschenta ses dus figliasters Drusus e Tiberius. Els surdattan al regent frastgas d'arbaja sco segn da lur victoria sur dals pievels da las Alps.Fotografia: Collecziun statala da munaida Minca + En il territori da Crap Ses tranter Cunter e Casti han ins scuvert plumins da funda (schlingia) dal temp da la campagna militara tras las Alps. Els tutgan tar las paucas perditgas archeologicas dals eveniments guerrils da quella giada. Sche tals plumins vegnivan tratgs da legiunaris romans versads, eran quai projectils privlus che sgulavan lunsch e che tutgavan cun gronda vehemenza.Fotografia: Servetsch archeologic dal Grischun + A Crap Ses han ins er chattà questa sigir da l'alumbard d'in guerrier indigen. Ella mussa che las legiuns romanas èn fruntadas sin la resistenza dals pievels indigens da las Alps.Fotografia: Servetsch archeologic dal Grischun +