La Posta è qua!
Reclama per curs d'express tranter Cuira e Milaun, 1823. Suenter l'adattaziun da las vias sur ils pass circulavan per l'emprima giada charrotschas da posta tranter il nord ed il sid. La Posta chantunala aveva anc dubis areguard la rentabilitad da las lingias da charrotschas da posta. Pervia da quai han firmas privatas sco Abys & Bauer offrì sco emprimas viadis en charrotschas da posta (per tudestg).Maletg: Museum retic
+
In bigliet per la charrotscha da posta da l'Uffizi superiur da posta dal Grischun, 1839. L'onn 1835 ha il chantun surpiglià la gestiun da las lingias da charrotschas da posta. L'onn 1848 ha la Confederaziun surpiglià tut ils fatgs da posta. Viadis cun charrotschas da posta èn restads in gener da viagiar che mo persunas bainstantas pudevan sa prestar (per tudestg).Fotografia: Museum retic
+
Ina charrotscha da posta dal tip Coupé-Landauer cun otg plazzas sin la via communala a Tschierv en la Val Müstair.Fotografia: Gian Battista Gross. Archiv dal stadi dal Grischun, ASGR N2.1579
+
Posta a chavals en la Viamala, 1914.Fotografia: Museum retic
+
In charrotschier da posta raquinta. Kaspar
Meuli (1885‒1970) è stà charrotschier da posta als pass dal San Bernardin e dal
Spleia. En ina intervista guarda el enavos sin ses temp da lavur.
Registraziun
d'amatur da possess privat.
Ihr Browser unterstützt kein HTML5 Audio.
Auto da posta sper Cuira, ca. 1930. L’onn 1919 è circulà per l’emprima giada in auto da posta tranter Rehanau e Flem. Quai cun in'autorisaziun speziala, siond ch’il scumond da charrar cun autos era anc en vigur en il Grischun. Pli tard ha ina charrotscha da posta suenter l'autra stuì ceder als autos.Fotografia: Museum retic
+
In auto da posta sin la via da l’Umbrail, ca. 1920/1930.Fotografia: Museum retic
+
Prospect da reclama da l'auto da posta, enturn 1950/60 (per tudestg).Fotografia: Museum retic
+