L'aristocrazia feudala retica sin la chaschetta da vopnas
La chaschetta da Sched è ornada cun differentas vopnas da famiglias noblas localas. Tranter quellas sa chattan differentas represchentaziuns d'animals en medagliuns.
Sisum amez è da vesair l'evla imperiala, l'emblem dal Sontg Imperi roman.Fotografia: Museum retic
+
La vopna da la famiglia Montalt, che residiava durant il 12. fin il 14. tschientaner sin ils chastels Montalt sper Riein e Löwenberg, Schluein.Fotografia: Museum retic
+
La vopna dals signurs da Razén. Els eran ina da las famiglias noblas las pli impurtantas da la Rezia, fin che la schlattaina è morta ora l'onn 1458.Fotografia: Museum retic
+
La vopna da la famiglia da Belmont (12.–14. tschientaner). Il center da lur possess sa chattava enturn Castrisch e Flem. Els abitavan sin il chastè cun il medem num sper Fidaz ed han construì pli tard in chastè sin la Tuma Casti sper Domat.Fotografia: Museum retic
+
La vopna da la famiglia Thumb. La schlattaina d'ina bassa aristocrazia, che derivava oriundamain da la regiun da Ravensburg, aveva sco feud chastels a Vaz sut ed a Tusaun. Enturn l'onn 1400 èn ils Thumb svanids or da las funtaunas.Fotografia: Museum retic
+
La vopna dals conts da Montfort (13.–18. tschientaner). Lur possess s'extendeva da la regiun dal Lai da Constanza sur Bregenz fin a la regiun da Sargans. Ils da Montfort tgiravan stretgas relaziuns cun l'uvestgieu da Cuira.Fotografia: Museum retic
+
La vopna dals baruns da Regensberg (11.–14. tschientaner). La relaziun cun la Rezia da questa famiglia aristocratica impurtanta da Turitg nun è betg propi clera.Fotografia: Museum retic
+
La vopna da l'uvestgieu da Cuira cun il capricorn sidretg. L'uvestg n'era betg mo il parsura clerical, mabain er in signur feudal profan impurtant per quest territori.Fotografia: Museum retic
+
Tranter las vopnas embelleschan represchentaziuns d'animals la chaschetta.Fotografia: Museum retic
+