13 Extra Producziun da taila e da vestgadira La filandaria da mangola Meiersboden SA, che è vegnida construida l'onn 1861 a Cuira, sa cumponiva d'ina dunsena per lavureras e lavurers, d'ina gronda fabrica en il center e d'in conduct da pressiun. Cun fin 150 emploiadas ed emploiads era ella in manaschi impurtant per il chantun. L'onn 1886 è la fabrica vegnida destruida d'in incendi.Maletg: Museum retic + Catharina Albertina Vogt ha surpiglià la tenscharia Pedolin al Oberer Mühlbach a Cuira l'onn 1874 e l'ha engrondida ad ina filandaria e tessaria da launa. Suenter è la firma sa spezialisada sin la producziun da tailas. L'onn 1982 è la filandaria vegnida serrada. Il manaschi è sa reducì ad ina lavandaria chemica.Maletg: Museum retic + Reclama da la tenscharia Pedolin, 1905.Maletg: Museum retic + Fabrica da ponn Schwendener-Nauser, 1909. L'onn 1860 ha il filunz da launa Heinrich Schwendener (1836‒1906) fundà ina fabrica da textilias a Cuira. L'installaziun d'ina turbina d'aua, l'onn 1893, ha permess da producir – ultra da tailas ed ultra da fil da far cun stgaina – er ponn per il militar e cuvertas da launa. Il manaschi ha existì fin l'onn 1953.Fotografia: Museum retic + Fabrica da ponn Trun, cumenzament dal 20. tschientaner. La «Fabrica da ponn Trun», fundada 1912 da Fidel Tuor (1875‒1955), ha giugà durant blers onns ina rolla impurtanta per l'entira regiun. Anc durant ils onns 1970 occupava ella passa 400 collavuraturas e collavuraturs. La mancanza d’investiziuns ed ina concurrenza creschenta han chaschunà sia serrada l'onn 2001.Maletg: Museum retic + Reclama da la Fabrica da ponn Trun SA, enturn 1920‒1940. Ultra da taisser ponn per il militar e taila robusta or da launa da nursas muntagnardas produciva la Fabrica da ponn Trun SA er tailas pli finas.Maletg: Museum retic +