1880

tripticon dal lavuratori dad Ivo Strigel (1430/1431‒1516)

Grono, 1510

Amez l'altar da la gotica tardiva sa chatta Maria cun l'uffant, sper ella Son Niclà e Sontga Catarina. Sin las alas dadens ves'ins d'ina vart Son Bernard da Menton che tegna vi d'ina chadaina in diavel, da l'autra vart in pader cun in cudesch ed in satget. En la part sutvart stendan dus anghels il sudari cun la fatscha da Jesus. Las alas dadora mussan Son Steffan e Sontg Antoni.

L'altar deriva da l'anteriura chaplutta da San Nicolao a Grono e vegn attribuì a l'enconuschent maister da sculpturas da lain Ivo Strigel da Memmingen (Germania dal Sid). Actualmain vegn il tripticon renovà. Qua sutvart chattais Vus detagls interessants davart questas lavurs.