Malans, 14avel tschientaner

Durant lavurs da construcziun vegnan adina puspè a la glisch tuttenina objects archeologics. Quai è era capità sin il plazzal da l'emprim traject da la Viafier retica: ils lavurers han chattà ina nizza da spada cun pum corrodada dal temp medieval tardiv. La regenza chantunala ha supplitgà la direcziun da la viafier da trametter l'object rar al Museum retic.

Il lieu da chat tranter las sulettas punts sur il Rain e la Landquart lunsch enturn era da gronda impurtanza strategica. Perquai han ins construì durant ils Scumbigls grischuns dal 17avel tschientaner precis en quel lieu la dustanza «Rohanschanze».