Achmim (Egipta), 8avel fin 12avel tschientaner

En la collecziun furman 16 fragments dal temp islamic tempriv ina pitschna gruppa da textilias. La gronda part ha il Museum retic survegnì dal commerziant d'art ed archeolog Robert Forrer. Sco conservatur dal museum a Strasbourg ha el prendì part ad exchavaziuns ad Achmim il 1884. Ins ha chattà en fossas restanzas da vestgadira, tailas e plimatschs ch'ins ha allontanà e prendì dapart a moda discutabla e repartì a numerusas collecziuns impurtantas en l'entir mund.

I n'è betg cler, sche las figuras cun egliuns ed extremitads finas sin il fragment exponì represchentan creatiras umanas u animalicas.