San Murezzan, enturn il 1800

L'onn 1831 ha la famiglia Hitz bandunà Tavau per emigrar en l'America. Il figl Johann (1828-1908), che sa numnava pli tard John, ha fatg gronda carriera en sia nova patria: el è stà consul general svizzer a Washington.

El ha dentant mai pers il contact cun il Grischun. Per exempel cun il hotelier Johannes Badrutt da San Murezzan che ha regalà ad el quest maletg. Cura ch'el ha pli tard offrì il maletg al museum, ha el scrit sez ch'il maletg «na saja betg da gronda valur artistica». Il museum al ha dentant tuttina retschavì gugent, perquai ch'el mussa in eveniment istoric, la battaglia tar Aquasana dal 1622, schebain en il stil istorisant dal 19avel tschientaner.