Claustra, 1692

L'agricultura è fin oz in impurtant sectur economic en il Grischun. Perquai consista er ina gronda part da la collecziun dad utensils dal puresser.

Per la lavur sin il funs e per transports duvrav'ins savens bovs e vatgas sco manadiras. Cun agid dal giuf ch'ins metteva sur la tatona dals bovs ed in indriz da rentar cun sugas da tgirom mettev'ins sut ils animals davant in arader, in char u ina schlieusa. Ornaments artistics sco qua entagls crennads cun rosettas ves'ins darar sin giufs. Els dattan perditga da la gronda stima ch'ins aveva da l'utensil. Pir il temp suenter la guerra han tractors plaunet remplazzà las manadiras tradiziunalas.