Mustér, 18avel/19avel tschientaner

Las chandailas da tschaira eran memia charas per glieud simpla. En las Alps, nua che l'allevaziun da muvel era fitg derasada, utilisav'ins perquai il saiv sco material bunmartgà per far glisch – pia il grass surtut da vatgas e bovs, mintgatant era quel da nursas u chauras.

Grazia a ses aut punct da luada pudev'ins dar il saiv en in recipient mo pauc profund e chatschar lien in lamegl. Uschia illuminava la glisch da saiv la stiva durant las lungas sairas d'enviern. Nossa cuppa da glisch cun lingias decorativas lateralas è vegnida fatga or da scalegl da Tujetsch.