Val S. Pieder, mez dal 19avel tschientaner

La huba vegniva fatga or da mangola blaua e surcusida cun motivs florals. En la tatona aveva ella ina corda. Il «capadüsli» era tipic per il vitg da Val.

Noss exponat protegiva probablamain ina giada il chauet d'in poppin dal sulegl u dal fraid. En pli crajeva la glieud ch'ina huba sin chau prevegnia ad ureglias che stattan ora. Ultra dal niz pratic suttastritgava ina huba d'uffants retgamada generusamain però adina er il status social d'ina famiglia.

Ma betg mo ils uffants purtavan hubas, era per dunnas ed umens era quai in cuvrachau usità. La collecziun dal Museum retic dispona da bunamain 500 differents models.