Brinzauls, 1751

Suenter che sia schirada era guarida a moda miraculusa, han Joseph Joos e sia consorta Elisabeth Gadient engrazià a Nossadunna cun quest maletg. La noziun «maletg votiv» deriva dal pled latin «votum», per rumantsch «vut». Ils cartents tegnevan uschia in'empermischun religiusa ch'els avevan fatg a la dunschella Maria cun la supplica da spendrar els d'ina pitgira.

A partir dal 17avel tschientaner èn ils duns votivs daventads adina pli populars. Ils maletgs, savens fatgs da picturs laics, èn perditgas impressiunantas da la pietusadad dal pievel e raquintan dals quitads e problems ch'ils umans avevan en lur mintgadi.