collecziun da macramé da las soras Teodora Maddalena ed Anna Cornelia Maurizio
Vicosoprano, 1881‒1904
La stad 1935 ha il Museum retic survegnì ina trucca da nuscher massiva. Ella cuntegneva ina collecziun singulara da musters per lavurs da pizs da macramé. Rimnà tut quai avevan las soras Teodora Maddalena ed Anna Cornelia Maurizio. Las duas figlias d'in Grischun che possedeva in café a Bergamo eran viagiadas tras l'entira Europa per ramassar ils models.
Tant en Bregaglia sco er en lur segunda patria, l'Italia, han ellas mussà a dunnas las tecnicas da macramé. Lur collecziun cumpletta ensemen cun las instrucziuns da nuar pon ins consultar oz via il catalog online dal Museum retic.