1936

portapetgens

Engiadina, mez dal 17avel tschientaner

Il num tradescha l'intent: en portapetgens mettev'ins en salv artitgels da tualetta ed autras piculezzas. Per il pli eran els fatgs da taila, mintgatant era da lain u d'in auter material, e vegnivan decorads generusamain en las pli differentas tecnicas. Cunzunt en l'Engiadina surcusiv'ins ils portapetgens en tut las colurs sco ils costums da la regiun. Pendids vi da la paraid sper il spievel avevan els er in effect decorativ.

Noss exponat è da satin brin surcusì e mussa ultra da flurs e figuras da dunnas allegoricas ina vopna d'allianza: ella fa endament la maridaglia dal plevon Johann Jakob Vedrosi cun Margareth von Stampa enturn l'onn 1653.