Lyon, 2. mesadad dal 19avel tschientaner

Cunter pes fraids gidavan pli baud pitschnas pignas mobilas. Ils recipients da metal, savens cun ornaments bellins, vegnivan emplenids cun burnida. Quest stgaudapes consista da mesch ed ha in manetsch dad oss. Sin la vart davant hai foras, per che l'aria possia entrar, amez il viertgel sa chatta in'avertura reglabla, tras quella sortivan ils gas da combustiun. Sch'ins metteva ils pes sin il stgaudapes, avev'ins adina pes bel chauds en stivas fraidas, sin viadi en la charrotscha u en la baselgia betg stgaudada.