Casaccia, 15avel tschientaner

Noss object entaglià a la fina pudess esser il moni d'in cuntè.

En il temp tardmedieval mangiav'ins per gronda part cun la detta. Ins lavava ils mauns avant e suenter las tschaveras. Spaisas liquidas giudev'ins cun in tschadun or d'ina gronda cuppa communabla. In cuntè utilisav'ins per manizzar la vivonda u per prender si in toc charn. La furtgetta è sa derasada en l'Europa pir en il decurs dal 17avel tschientaner.

Vaschella e pusada eran en la plipart dals cas fatgas or da lain. Mo glieud bainstanta possedeva pusada da zin ubain schizunt d'argient cun monis ornads. Da lezzas uras eri usità ch'ils giasts purtavan lur atgna garnitura da pusada.