Vienna, ils 6 da favrer 1573

En l'Europa dal temp modern tempriv regiva in battibugl da munaidas: las pli differentas sorts da daners da differenta vegliadetgna e derivanza circulavan ina sper l'autra. Las autoritads han empruvà da regular la circulaziun monetara savens caotica cun decrets da munaidas che vegnivan proclamads sin plazzas publicas. Mintgatant han ellas stuì svalitar u perfin scumandar tschertas munaidas, damai ch'il pais u il cuntegn da metal prezius na correspundeva betg a las prescripziuns.

Quest placat che scumonda il diever da munaidas estras deriva da l'Austria. Tranter las dudesch munaidas contestadas sa chattan era set exemplars da Cuira da la Lia da la Chadé.