Peist, senza data

Simbols magics cunter la disgrazia: Arnold Büchli (1885–1970), che ha perscrutà ditgas en il Grischun, ha regalà al Museum retic adina puspè objects da la tradiziun populara. In da quels è quest amulet, en il linguatg dal pievel era numnà «stritg da sang». I sa tracta d'ina staila gravada sin in toc tgirom ch'ins pendeva vi da l'isch-uigl. L'amulet dueva proteger cunter sang en il latg da las vatgas. Vi dal giagliner u l'uigl da las chauras tegneva el davent l'uschenumnà «düster» (malsogna infectusa). La staila cun otg pizs numnav'ins «stritg da sang dubel», entant ch'il pentagram (staila cun tschintg pizs) valeva sco stritg da sang «pitschen» u «ordinari».