Turitg, 1618

En il focus da la collecziun èn objects dal Grischun. Damai che la Vuclina, Buorm e Chiavenna han però appartegnì dal 1512 fin il 1797 sco terras subditas a las Trais Lias, posseda il museum era singuls objects da quests territoris.

In da quels è questa gravura d'arom: el mussa Plür a l'ost da Chiavenna. Ils 4 da settember 1618 èn sa distatgads trais fin quatter milliuns meters cubic crappa da la muntogna Conto ed han sutterrà bunamain dal tuttafatg il lieu bainstant. La bova ha chaschunà var 1000 morts. Ella è vegnida suenter ina perioda da plievgia intensiva, ma era l'explotaziun da scalegl sfurzada aveva sutminà la muntogna.