1964

broscha

Soglio, 1. quart dal 19avel tschientaner 1965

La broscha filigrana d'argient fa part d'in ensemble d'in collier, d'in diadem, d'ureglins e d'in portamatgs. Quests cliniezs purtava la famiglia Salis-Soglio da nozzas ed a chaschun dad autras festivitads impurtantas. L'ultima giada han ins preschentà l'ensemble a la festa da la Chalavaina il 1899.

Il cliniez en tecnica filigrana va enavos en l'antica ed è daventà fitg popular il 19avel tschientaner, era per la moda da costums. I sa tracta da fildaroms fins che vegnan turnads in enturn l'auter uschia ch'i dat ina cordella. Lezza vegn smatgada ensemen fin ch'ella è platta. Il resultat èn fils da metal satigls e fins, or dals quals ins po furmar motivs. La cumposiziun da tals motivs dat ina creaziun che sumeglia ina lavur da pizs.