Cuira, ca. 9/8‒3 a.C.

La necessitad è la mamma da las invenziuns: suenter ch'ils Romans avevan conquistà il territori da las Alps, regiva ina mancanza acuta da munaida. Per far remedura han ins simplamain smesà las munaidas existentas. Il medem è capità cun quest dupondius dal temp da l'imperatur Augustus (27 a.-14 s.C.). Ins al ha chattà durant exchavaziuns en il Welschdörfli a Cuira.

Sche la munaida fiss intacta, vesess ins in crocodil, l'inscripziun renviescha a la citad da Nîmes. Quai era numnadamain la nova dimora da veterans che avevan prendì part da la campagna militara dals Romans en l'Egipta. L'animal exotic fa allusiun al servetsch a la riva dal Nil. Fin oz ornescha il reptil la vopna da la citad e las chamischas da polo d'ina marca da moda renumada.