Savognin, 1576

Avant ch'igl ha dà las stgaffas, mettev'ins en salv la vestgadira u autra rauba da chasa en truccas. Ils capricorns entagliads ed ils ornaments da la gotica tardiva sin las varts rendan noss exponat spezialmain attractiv. Quest tip da las truccas goticas cun las aissas lateralas prolungadas sco pes vegniva fabritgà a partir dal 16avel tschientaner en l'Engiadina ed en il Surses da mastergnants indigens. Questa trucca vala sco precursura da la trucca da capricorn classica dal Surses.

Ina collecziun reflectescha adina er ils interess specifics dals directurs en uffizi. Sut la direcziun da Hans Erb è nossa rimnada da truccas s'engrondida tranter ils onns 1960 e 1976 sin passa 250 exemplars.