San Vittore, 1. mesadad dal 19avel tschientaner

Tgi sa tge brevs ch'ins suttascriveva antruras cun quests utensils da scriver? La schlattaina patriziana dals a Marca appartegneva dapi il temp tardmedieval a l'elita politica dal Mesauc. Da questa famiglia èn adina puspè descendids uffiziants impurtants: chapitanis generals da la Vuclina, commissari a Chiavenna e podestats. Ella è daventada bainstanta era grazia a ses servetschs per patruns esters e pervia dal commerzi cun laina e muvel.

Era suenter il declin dal Stadi da las Trais Lias han ils a Marca occupà en il chantun auts uffizis politics. Perditga da la muntada da la famiglia dattan anc oz pliras chasas patrizianas sco quella a San Vittore, en la quala ins ha chattà quest chalimar cun decor en reliev.