San Murezzan, 1912

Cura che questa aczia è vegnida emessa, era San Murezzan in lieu da turissem ambizius cun perspectivas excellentas per l'avegnir. Giasts prominents da l'entira Europa loschavan en l'anteriur vitg muntagnard.

L'hotel da luxus «Carlton» ha avert sias portas il 1913. Ma gia in onn pli tard è erutta l'Emprima Guerra mundiala. A San Murezzan han mancà ils giasts. L'hotel è vegnì en difficultads finanzialas ed è daventà possess da la Banca populara svizra.

Suenter in curta fasa da recuperaziun ha la Segunda Guerra mundiala gì novas consequenzas fatalas per il turissem. L'onn 1946 è l'aczia sa sbassada sin 1 franc. Ma il «Carlton» ha survivì era questa frida. Novs possessurs han purtà enavos il success. Fin oz è el in dals hotels da luxus da San Murezzan.