Tusaun, enturn il 1900

Grazia ad in temp d'exposiziun scursanì e formats pli pitschens èn las fotografias da purtrets daventadas pli bunmartgadas a partir da la mesadad dal 19avel tschientaner. En spezial ils purtretins «carte de visite» èn stads in success mundial. Ins regalava l'agen purtret e rimnava per la paja las cartinas da parents, amias ed amis u da persunalitads renumadas. Sin la vart davos da noss exponat è scrit «Tante Marie». Per tegnair en salv tut devi albums spezials per fitgar en ils maletgs: las medias socialas dal 19avel tschientaner.

Er en il Grischun han numerus studios da purtrets avert lur portas. In da quels ha Jost Guler (1860‒1917) fundà a Tusaun, il qual è vegnì manà vinavant durant trais generaziuns.