Favugn, 1942

Cura che l'Emprima Guerra mundiala è erutta, era la Svizra cumplettamain malpreparada per ina crisa dal provediment alimentar. Il pajais ha stuì subir sia ultima fomina.

Al cumenzament da la Segunda Guerra mundiala avev'ins emprendì dals sbagls da pli baud: victualias e bains da consum èn vegnids raziunads. Quests products pudev'ins mo pli cumprar cunter ina marca correspundenta. Uschia ha il stadi procurà per ina distribuziun eguala ed è prevegnì a la speculaziun.

Marcas da victualias tutgavan da qua davent tar ils documents ils pli impurtants da mintga chasada. Ils coupons exponids per pasts entirs u mezs pasts han ins repartì a la populaziun a la fin dal 1942.