La Punt-Chamues-ch, enturn il 1775

La collecziun cumpiglia 61 vestgids da dunnas. Ils vegls èn da l'emprima mesadad dal 18avel tschientaner. Da quel temp èn en general sa mantegnids paucs costums originals: ins ha savens midà els per als adattar a la nova moda. Era quest vestgì na sa preschenta betg en sia furma originala.

Noss object deriva d'ina schlattaina patriziana da l'Engiadin'Ota, da la famiglia von Albertini. Il costum da taft da saida cun pizs tradiva la derivanza nobla da sia purtadra.

Ils vestgids en la collecziun èn per gronda part vegnids purtads da la classa superiura. Vestgadira dal mintgadi da glieud simpla è stgarsa en il museum. Ella vegniva purtada, fin ch'ella era rutta.