2005

charta topografica dal chantun Rezia

Basilea, 1802

Cura che questa charta è vegnida publitgada, era il Grischun gia incorporà dapi trais onns en la Republica helvetica. Ella mussa las perditas territorialas ch'il Stadi liber da las Trais Lias da pli baud ha stuì subir il 1797, cura che Napoleun ha assegnà las anteriuras regiuns subditas da la Vuclina, da Clavenna e da Buorm a la Republica cisalpina. Ils Grischuns avevan numnadamain manchentà pliras chaschuns da refurmar lur vegl urden statal.

La collecziun cumpiglia var 200 chartas topograficas, surtut dal Grischun. Las chartas las pli veglias èn da la mesadad dal 16avel tschientaner. En il focus da la collecziun è material dal 18avel e 19avel tschientaner.