2006

maschina da raviolis da la fabrica da pasta CADA

Cuira, enturn il 1940

La fabrica da «fidelins» fundada il 1841 a Cuira è stada ina da las emprimas fabricas da pasta da la Svizra ed ina da las paucas interpresas industrialas en il chantun Grischun. L'onn 1901 ha Johann Caprez-Danuser surpiglià il manaschi tranter la Sägenstrasse e la Salvatorenstrasse e dà ad el il num CADA, ina cumbinaziun da bustabs da ses num. Durant trais generaziuns è la «Teiggi» a Cuira restada en possess da la famiglia. Il 1997 è la fabrica vegnida transfurmada en la Frigemo Produktion Chur AG. L'onn 2006, suenter 165 onns, ha ella serrà sias portas.

Questa maschina da raviolis, dirigida a maun, era en diever durant plirs decennis per producir raviolis frestgs. Quels vendeva la fabrica a restaurants, hotels, butias e persunas privatas.