Malans, 2013

L'istorgia dura adina fin al mument gist passà. Per il museum signifitga quai da betg mo rimnar objects uschè vegls sco pussaivel, mabain er objects contemporans, sch'els raquintan in'istorgia interessanta da la vita en il Grischun.

Noss t-shirt cun in messadi politic ha insatgi purtà en il rom da la campagna da votaziun davart l'iniziativa dal pievel chantunala «Gea ad energia netta senza charvun» dals 22 da settember 2013. Il moviment ecologic è daventà adina pli impurtant dapi ils onns 1960. Oz èn il clima e la protecziun da l'ambient temas fitg centrals en la discussiun politica, cunzunt per la generaziun pli giuvna. Il suveran grischun ha acceptà l'iniziativa il 2013.