2014

spidarola da giaglioffa «Blauer Heinrich»

lieu nunenconuschent, probablamain suenter l'onn 1904

Per tractar la tuberculosa, la malsogna dal pievel privlusa, eran curas sut tschiel avert en il clima da muntogna da gronda impurtanza. Tranter ils onns 1870 e 1950 han numerus umans da tut il mund passentà mais u onns sin las terrassas da las chasas da cura dal Grischun, tuts cun la speranza da daventar sauns.

Damai ch'il scratg da la tuss da persunas che pativan da la tuberculosa era enormamain infectus, na pudevan ellas far nagin pass senza ina spidarola da giaglioffa. Pervia da sia colur che zuppava discretamain il cuntegn, numnav'ins quest model «Blauer Heinrich». Quai è er il num d'ina gronda collecziun d'objects da l'anteriur sanatori Schatzalp si Tavau che sa chatta sco emprest permanent en il museum.